Related Posts
Category : Gujarat
શાંતિપૂર્ણ માહોલમાં સ્થાનિક સ્વરાજની ચૂંટણી પૂર્ણ, સરેરાશ અંદાજે 58-59 ટકા મતદાનનું અનુમાન
ગાંધીનગર: આજે 26મી એપ્રિલના રોજ ગુજરાતમાં 15 મહાનગરપાલિકાઓ, 84 નગરપાલિકાઓ, 34 જિલ્લા પંચાયતો તથા 260 તાલુકા પંચાયતો માટે ચૂંટણી માટે મતદાન યોજાઇ ગયું. આ ચૂંટણીનું પરિણામ 28મી એપ્રિલ એટલે કે મંગળવારના રોજ આવવાનું છે. આ વખતનો ચૂંટણીપ્રચાર સામાન્ય કરતાં વિશેષ રહ્યો હતો તેમાં ઘણી બધી બેઠકો પર ઉમેદવારોએ ફોર્મ પાછાં ખેંચ્યાં હતા. ત્યારે કેટલાક વિસ્તારોમાં ચૂંટણી પ્રચાર દરમિયાન સત્તા પક્ષનો લોકો દ્વારા વ્યાપક વિરોધ પણ જોવા મળ્યો હતો. ચૂંટણી પહેલાં જ ગુજરાતની ત્રણ નગરપાલિકા, કડી, ઊના અને ગણદેવી ભાજપે જીતી લીધી હતી. રાજ્યની 15 મહાનગરપાલિકાઓ, 84 નગરપાલિકાઓ, 34 જિલ્લા પંચાયતો અને 260 તાલુકા પંચાયતોની સામાન્ય ચૂંટણી સાથે 11 નગરપાલિકાઓની પેટા ચૂંટણી માટે મતદાન યોજાયું હતું. રાજ્યમાં કુલ 733 બેઠકો બિનહરીફ જાહેર થઈ ગઈ છે. જે પૈકી મોટા ભાગની બેઠકો ભારતીય જનતા પાર્ટીના કબજામાં છે.
આજે સ્થાનિક સ્વરાજની ચૂંટણીમાં અનેક ગામોએ મતદાનનો બહિષ્કાર કર્યો છે. ધ્રોલ તાલુકાના પિપરટોડા ગામના રહિશોએ રસ્તાની અસુવિધાના મામલે રોષ વ્યક્ત કર્યો છે અને ચુંટણીનો બહિષ્કાર કર્યો છે. ગ્રામજનનોનો આક્ષેપ છે કે, તેમને સાંભળ્યા વગર નિર્ણય લેવાતા ચુંટણી બહિષ્કારનો નિર્ણય લેવાયો છે. આ સાથે ડેડીયાપાડાના દુથર ગામના ગ્રામજનોએ મતદાનનો બહિષ્કાર કર્યો છે. આ સાથે ખેડાના ચિખલોડ ગામમાં ચૂંટણીનો બહિષ્કાર કર્યો છે. ગામના ત્રણેય બૂથ પર અત્યાર સુધી એકપણ મત પડ્યો નથી. ચિખલોડ ગામને નવરચિત ફાગવેલ તાલુકામાં સમાવેશ કરવામાં આવતા ગ્રામજનોમાં ભારે રોષ જોવા મળ્યો. મહીસાગરમાં ખાતું પગીના મુવાડામાં ચૂંટણી બહિષ્કાર યથાવત છે. ભાવનગરના મહુવાના ઉમણીયાવદર ગામમાં સ્થાનિક સ્વરાજની ચૂંટણીનો બહિષ્કાર જોવા મળ્યો છે. ભદ્રોડ જિલ્લા પંચાયત હેઠળ આવતા ગામ લોકોએ વિકાસના પ્રશ્નોને લઈને ચૂંટણીનો બહિષ્કાર કર્યો છે. ડાંગના આહવા તાલુકાના કોટમદર ગામે ડુબાઉ નાળાના મુદ્દે ચૂંટણી બહિષ્કાર.રોડ નહીં તો વોટ નહીં’ના બેનરો સાથે ગ્રામજનોએ મતદાનનો ત્યાગ કર્યો છે. આ સાથે વલસાડ જિલ્લાના ઉમરગામ તાલુકાના ડેહલી ગામે પાયાની સુવિધાઓના અભાવે લોકોએ મતદાનનો વિરોધ નોંધાવ્યો. પાણી, રોડ અને વીજળી જેવી મૂળભૂત જરૂરિયાતો પૂરી ન થતા ગ્રામજનોએ રસ્તા પર ઉતરી મતદાન ન કરવાની ચેતવણી આપી અને બહિષ્કાર કર્યો.
Load more
